Ինչ իրավիճակ է Վերին Լարսով Վրաստանից ՌԴ տանող ճանապարհին

«Վերին Լարս» անցակետով (վրաց-ռուսական սահման) ճանապարհը բացվել է բոլոր տեսակի տրանսպորտային միջոցների համար:
Այս մասին տեղեկանում ենք Sputnik Արմենիայից, որին հայտնել է ՌԴ-ում ՀՀ դեսպանության մաքսային կցորդ Վահան Հակոբյանը։

Հավելենք, որ երեկվանից անցումը թույլատրված էր միայն մարդատար մեքենաների համար։

«Մցխեթա-Ստեփանծմինդա-Լարս միջազգային նշանակության ավտոմոբիլային ճանապարհի Գուդաուրի-Կոբի հատվածում մաքրման աշխատանքների արդյունքում վերականգնվել է կցորդով և կիսակցորդով տրանսպորտային միջոցների երթևեկությունը»,- լրատվամիջոցի հետ զրույցում ասել է Հակոբյանը:

Նրա խոսքով՝ երթևեկությունն իրականացվում է միայն ձնահոսքից պաշտպանող թունելներով, պարեկային ոստիկանության անմիջական հսկողության ներքո:

Ավելի վաղ հայտնել էինք, որ Լարսի ճանապարհը փակ է միայն բեռնատարների համար: