Մասկը խոստացել է X-ի եկամուտների մի մասը ուղղել Իսրայելին և Գազային

Գործարար Իլոն Մասկը հայտնել է, որ X Corp-ի բոլոր եկամուտները, որոնք ստացվում են Գազայի հատվածում պատերազմի հետ կապված բովանդակությունից, կուղղվեն իսրայելական հիվանդանոցներին և անկլավում աշխատող միջազգային մարդասիրական կազմակերպություններին:

«X Corporation»-ը Գազայի պատերազմի հետ կապված գովազդից և բաժանորդագրություններից ստացված բոլոր եկամուտները կնվիրաբերի Իսրայելի հիվանդանոցներին և Գազայի Կարմիր Խաչին/Կիսալուսնին», - գրել է Մասկը X սոցիալական ցանցում:

Անցյալ շաբաթ ամերիկյան վարչակազմի մամուլի քարտուղարի տեղակալ Էնդրյու Բեյթսը Իլոն Մասկի հայտարարություններում հակասեմականություն էր գտել։ Այս մասին գրել են նաև ամերիկյան մի քանի լրատվամիջոցներ, այդ թվում՝ The New York Times-ը։

Դրանից հետո Warner Bros., IBM, Apple, Lionsgate, Paramount Global ընկերությունները, որոնք հայտարարեցին կատարվածի անթույլատրելիության մասին, դադարեցրին գովազդը X սոցիալական ցանցում։ Ինքը՝ Իլոն Մասկը, հայտարարել է, որ իր հայտարարությունը վերցված է սոցցանցում արված գրառման համատեքստից, և իմաստը միտումնավոր աղավաղված է: