Մինսկում ՀԱՊԿ արտգործնախարարները հայտարարություն են ընդունել
Այսօր Մինսկում ՀԱՊԿ երկրների արտգործնախարարությունների ղեկավարները հայտարարություն են ընդունել եվրասիական տարածքի անվտանգության ապահովման ընդհանուր մոտեցումների վերաբերյալ: Համապատասխան տեղեկատվությունը հայտնել է Բելառուսի արտգործնախարար Սերգեյ Ալեյնիկը:
Ալեյնիկը հատկապես կարևորել է այսօր հաստատված և ստորագրված 2 փաստաթուղթ. «Առաջինը ՀԱՊԿ ԱԳ նախարարների հայտարարությունն է եվրասիական տարածքի անվտանգության ապահովման ընդհանուր մոտեցումների վերաբերյալ, ինչը առանձնահատուկ նշանակություն ունի ներկա ռազմաքաղաքական իրավիճակում: Երկրորդ փաստաթուղթը ԱԳ նախարարների խորհրդի և ՀԱՊԿ խորհրդի համատեղ որոշումն է ՀԱՊԿ անդամ երկրների լրացուցիչ միջոցառումների ցանկի վերաբերյալ, որոնք ուղղված են ՀԱՊԿ տեղեկատվական անվտանգության ապահովմանը։ Այս հարցը մեծ նշանակություն է ձեռք բերում վիրտուալ տարածքում աճող մարտահրավերների ու սպառնալիքների համատեքստում»:
