Ռուսաստանը բողոքի նոտա է հղել Ֆինլանդիային. հայտնի է պատճառը

Ռուսաստանը բողոքի նոտա է հղել Ֆինլանդիային՝ կապված ամենաակտիվ օգտագործվող սահմանային անցակետերը փակելու որոշման հետ: Այս մասին հայտնում է ՌԴ ԱԳՆ-ն։

Նշվում է, որ զրույց է տեղի ունեցել Ֆինլանդիայի դեսպանի հետ։

«Նոյեմբերի 20-ին ՌԴ ԱԳՆ-ն զրույց է ունեցել Ռուսաստանում Ֆինլանդիայի դեսպան Անտի Հելանտերեյի հետ, ռուսական կողմը բողոքել է՝ կապված Ֆինլանդիայի իշխանությունների կողմից ռուս-ֆիննական պետական ​​սահմանի ամենաակտիվ օգտագործվող սահմանային անցակետերը փակելու որոշման հետ», - ասվում է հայտարարության մեջ։

Ռուսական կողմից ասում են, որ սահմանային անցակետը փակելու Ֆինլանդիայի ընդունած որոշումը սադրիչ է և ակնհայտորեն համահունչ է հարաբերությունների հետագա սրման փորձերին:

Հիշեցնենք՝ ավելի վաղ հայտնել ենք, որ Ֆինլանդիան մտադիր է նոյեմբերի 22-ի գիշերը փակել Ռուսաստանի հետ սահմանի վերջին չորս անցակետերը Նշվոմ էր որ պատճառը՝ մուտքի փաստաթղթեր չունեցող մարդկանց հոսքն է: