Երկուշաբթի հրադադարի մասին Իսրայելի և ՀԱՄԱՍ-ի միջև համաձայնության և մի շարք պատանդների ազատ արձակման մասին տեղեկատվությունը չի համապատասխանում իրականությանը, հայտնում է Jerusalem Post-ը՝ վկայակոչելով իրազեկ աղբյուրներ։

«Այս պահին ոչինչ չկա», - լրատվամիջոցին ասել է իսրայելցի բարձրաստիճան պաշտոնյան:

Իր հերթին, ՀԱՄԱՍ-ի ավագ անդամ Իզզաթ ալ-Ռիշեկն ասել է. «Ոչ մի ճշմարտություն չկա նրանում, ինչ հաղորդում են ԶԼՄ-ները՝ վկայակոչելով ՀԱՄԱՍ-ի աղբյուրները, կապված այսօր սկսվող փոխանակման գործարքի հետ»:

Պաղեստինցի զրուցակիցները և Haaretz-ի եգիպտական ​​աղբյուրը նույնպես նշել են, որ ներկայումս հրադադարի կամ գերիների փոխանակման վերաբերյալ համաձայնություն չկա։

Ավելի վաղ Հորդանանի «Ալ-Ղադ» թերթը, հղում անելով ՀԱՄԱՍ-ի աղբյուրին, հայտնել էր, որ պայմանավորվածություն է ձեռք բերվել հնգօրյա հրադադարի շուրջ, որը կսկսվի երկուշաբթի ժամը 11:00-ին։ Համաձայնագրի շրջանակներում ՀԱՄԱՍ-ի կողմից պահվող 50 պատանդներ, իբր, ազատ կարձակվեն Իսրայելի բանտերում գտնվող 50 պաղեստինցի բանտարկյալների դիմաց։