ՀԱՄԱՍ-ի ռազմական թևը կորցրել է կապը պատանդների պաշտպանությամբ զբաղվող խմբերի հետ. ներկայացուցիչ
ՀԱՄԱՍ-ի ռազմական թևը կորցրել է կապը պատանդների պաշտպանության համար պատասխանատու մի շարք խմբավորումների հետ, նրանց ճակատագիրն այժմ անհայտ է: Այս մասին AlQaheraNews հեռուստաալիքի փոխանցմամբ՝ հայտնել է շարժման ներկայացուցիչը:
ՀԱՄԱՍ-ի ներկայացուցչի խոսքով՝ շարժումը կորցրել է կապը որոշ ստորաբաժանումների հետ, որոնց հանձնարարված է իսրայելցի պատանդների պահպանությունը։ Պատճառները, թե ինչու է դա տեղի ունեցել, չեն նշվում։
Ինչպես ավելի վաղ հայտնել էր Իսրայելի պաշտպանության բանակը՝ ՑԱԽԱԼ–ը սկսել է ռազմական գործողության նոր փուլ: Իսրայելական զորքերն այժմ Գազայի հատվածը գրոհում են միանգամից երկու ուղղությամբ՝ հարավից՝ Զեյթունի շրջանում, իսկ հյուսիսից՝ Ջաբալիայի շրջանում:
