Գազայում պատանդների ազատ արձակումից հետո Իսրայելը կշարունակի գործողությունները
Նույնիսկ ժամանակավոր զինադադարից և պատանդներին ազատ արձակելուց հետո Իսրայելը կշարունակի Գազայի հատվածում ՀԱՄԱՍ-ի ոչնչացման գործողությունը։ Այս մասին ասել է Իսրայելի արտակարգ կառավարության նախարար և պատերազմական կաբինետի անդամ Բենի Գանցը: Նրա խոսքով, ինչպես մեջբերում է Galei IDF ռադիոն, իսրայելական բանակի գործողությունն այժմ միայն ուժեղանում է։
«Նույնիսկ եթե պատանդների վերադարձի համար դադար լինի, մենք կվերադառնանք և ամբողջ ուժով կհարվածենք հակառակորդին: Ներկայումս գործողությունն ընդլայնվում, ինտենսիվանում և խորանում է»,- այս մասին ասել է Գանցը, որի խոսքերը մեջբերել է «Գալեյ ցախալ» ռադիոն:
Հավելենք, որ ավելի վաղ Al Arabiya հեռուստաալիքը հայտնել էր, որ ՀԱՄԱՍ-ը և Իսրայելը մոտ են համաձայնության գալուն 50 քաղաքացիական պատանդների ազատ արձակման վերաբերյալ՝ 3-5 օրվա ընթացքում հումանիտար զինադադարի դիմաց:
