Կիևը պատրաստ է շարունակել պատերազմը մինչև վերջին ուկրաինացին

Ռազմի դաշտում վիթխարի կորուստները ուկրաինական ղեկավարությանը ստիպում են «ծեր տղամարդկանց» նետել առաջին գիծ, Ուկրաինայի զինված ուժերի շարքերում կանանց թիվն արդեն անցել է 40 հազարը: Կիևը մտադիր է պատերազմը շարունակել «մինչև վերջին ուկրաինացին»՝ հանուն արևմտյան շահերի: Այս մասին հայտարարել է ՌԴ արտաքին հետախուզական ծառայության մամուլի բյուրոն, փոխանցում է ՌԻԱ Նովոստին: 

«Ուկրաինացի զինվորականների վիթխարի կորուստները Կիևին ստիպում են մարտ ուղարկել «ծերուկներին»: Ուկրաինայի Զինված ուժերն արդեն նոր ստորաբաժանումներ են կազմում 40 տարեկանից բարձր մարտիկներից և սկսել են մոբիլիզացնել 50 տարեկանից բարձր տղամարդկանց: Ըստ որի՝ Ուկրաինայի խորհրդարանում գրանցված շարքային անձնակազմի զորակոչային տարիքը 60-ից կավելանա 65, իսկ հրամանատարականին՝ 65-ից 70 տարեկան»,- ասված է հայտարարությունում: 

Ռազմաճակատում մարդկային ռեսուրսների սուր պակասը ստիպում է Զելենսկու ռեժիմին ավելացնել կանանց թիվը ուկրաինական բանակի շարքերում, որոնք, ըստ արևմտյան գնահատականների, արդեն կազմում են ավելի քան 40 հազար մարդ, նշում է ՌԴ արտաքին հետախուզական ծառայության մամուլի բյուրոն:

«Կիևի ռեժիմն արդեն բարձրացրել է զինվորական ծառայության համար կանանց հավաքագրելու տարիքային շեմը մինչև 60 տարեկան: Բայց դա բավարար չէ Կիևի համար: Ուկրաինայի ռազմական հրամանատարությունը խնդրում է ընդլայնել մոբիլիզացման ենթակա կանանց մասնագիտությունների ցանկը: Հոկտեմբերից բժշկական աշխատողները դարձել են դրա ենթական, ինչի հետևանքով հիվանդանոցներում, կլինիկաներում և դեղատներում կտրուկ սրվել է կադրերի պակասի խնդիրը»,- ասվում է հայտարարության մեջ: