Անդրբեջանը կրկին կեղծ մեղադրանքներ է հնչեցնում Հայաստանի հասցեին
Ադրբեջանում հավատարմագրված դիվանագիտական կորպուսների ներկայացուցիչների համար ճեպազրույցի ժամանակ Ադրբեջանի ԱԳՆ խոսնակ Այխան Հաջիզադեն կրկին մեղադրանքներ է հնչեցրել ՀՀ հասցեին։
Հաջիզադեն, մասնավորապես, հայտարարել է. «44-օրյա պատերազմից հետո մեծ քանակությամբ զենք ու զինամթերք է ուղարկվել Ղարաբաղ։ Այս զինատեսակների մի մասն արտադրվել է 2021 թվականին։ Ադրբեջանի տարածքները ականապատվել են համեմատաբար նոր ականներով, Հայաստանը զորավարժություններ է անցկացրել քաղաքացիականների և զինվորականների համար, որպեսզի նրանք կարողանան հարվածել Ադրբեջանի ռազմական և քաղաքացիական ենթակառուցվածքին»։
Ըստ Ադրբեջանի ԱԳՆ մամուլի ծառայության ղեկավարի «Ադրբեջանի տարածքներն» (նկատի ունի Արցախի Հանրապետությունը) օգտագործվել են զենքի տեղափոխման համար:
