«ՀԱՄԱՍ-ը կորցրել է վերահսկողությունը Գազայի վրա». Յոավ Գալանտ
Իսրայելի պաշտպանության նախարար Յոավ Գալանտը հայտարարել է, որ ՀԱՄԱՍ-ը կորցրել է վերահսկողությունը Գազայի վրա, իսկ իսրայելական ուժերը շարունակում են գրավել Գազայի հատվածը, գրում է The Times of Israel-ը։ Նա նաև ասել է, որ իսրայելական զորքերի գործողություններն իրականացվել են «ըստ ծրագրի` ճշգրիտ և մահաբեր ուժով»։ Գալանտն ընդգծել է, որ Իսրայելի պաշտպանության բանակը վերջերս ակտիվացրել է ՀԱՄԱՍ-ի թունելների ոչնչացմանն ուղղված գործողությունները: «Մենք գործում ենք ըստ առաջադրանքների: Ժամանակը մեզ համար կարևոր չէ: Մենք նպատակներ ունենք, և մենք կիրագործենք դրանք»,- ասել է Գալանտը՝ հավանաբար արձագանքելով Իսրայելի արտգործնախարար Էլի Քոհենի այն պնդմանը, որ երկրի գործողությունները Գազայում կարող են փոխվել միջազգային օրենսդրության ճնշման ներքո: |
