«Անհրաժեշտության դեպքում Իսրայելը ամուր կկանգնի ողջ աշխարհի դեմ». Նեթանյահու

Իսրայելի վարչապետ Բենիամին Նեթանյահուն կոչ է արել Արեւմուտքին աջակցել Գազայում հրադադարի ռեժիմից հրաժարվելու որոշմանը, ինչպես նաեւ դրա նպատակին՝ ՀԱՄԱՍ-ի լիակատար ոչնչացմանը, հայտնում է Интерфакс-ը։

Մամուլի ասուլիսում Իսրայելի վարչապետն ասել է, որ որոշ երկրներում «կան մարդիկ, ովքեր ճնշում են գործադրում առաջնորդների վրա՝ հրադադարի հաստատման համար»: «Մի տրվեք ճնշմանը. Մեր պատերազմը ձեր պատերազմն է։ Իսրայելը պետք է հաղթի հանուն իր և հանուն ամբողջ աշխարհի»,- հորդորել է Նեթանյահուն։ Նա հավելել է, որ «ոչ մի միջազգային ճնշում, ոչ մի կեղծ մեղադրանք Իսրայելի պաշտպանության բանակի դեմ չի ազդի Իսրայելի՝ իրեն պաշտպանելու պնդումների վրա»։

«Անհրաժեշտության դեպքում Իսրայելը ամուր կկանգնի ողջ աշխարհի դեմ»,- ընդգծել է Նեթանյահուն։

Իսրայելի վարչապետը նաև ասել է, որ իսրայելցի զինվորականները կմնան Գազայում այնքան ժամանակ, որքան անհրաժեշտ է, որպեսզի կանխեն անկլավի օգտագործումը Իսրայելի դեմ ահաբեկչական հարձակումներ իրականացնելու համար։