Իսրայելական տանկերը հրթիռակոծել են Ալ-Քուդս հիվանդանոցը. 14,000 խաղաղ բնակիչներ խուճապի են մատնվել

Իսրայելական տանկերը հրթիռակոծել են Ալ-Քուդս հիվանդանոցը, որտեղ ապաստան են գտել հազարավոր տեղահանված մարդիկ: Այս մասին հայտնել է Պաղեստինի Կարմիր մահիկի ընկերությունը, փոխանցում է ՌԻԱ Նովոստին: 

Ավելի վաղ14,000 խաղաղ բնակիչներ, հիմնականում երեխաներ և կանայք, պատսպարվել են Գազայի հատվածի Ալ-Քուդս հիվանդանոցում: Նշվում է, որ նրանք խուճապի են մատնվել:

«Տանկերը գտնվում են Ալ-Քուդսի հիվանդանոցից 20 մետր հեռավորության վրա, նրանք կրակում են հիվանդանոցի վրա, խուճապ և մեծ վախ կա տեղահանվածների շրջանում»,- ասվում է X սոցիալական ցանցում կազմակերպության էջում հրապարակված հաղորդագրության մեջ։

Ուրբաթ օրը Կարմիր մահիկը հայտնել է, որ իսրայելական զորքերը կրակ են բացել Գազայի հատվածում գտնվող Ալ-Քուդս հիվանդանոցի վերակենդանացման բաժանմունքի վրա։