Հայտնի է, թե ցամաքային գործողության մեկնարկից ի վեր քանի ռազմական կետ է վերահսկողության տակ վերցրել Իսրայելը
Ցամաքային գործողության մեկնարկից ի վեր իսրայելցի զինվորականները վերահսկողության տակ են վերցրել պաղեստինյան «ՀԱՄԱՍ» շարժման 11 ռազմական կետ։ Այս մասին հայտարարել է Իսրայելի պաշտպանության բանակը։
«Իսրայելի պաշտպանության բանակի ցամաքային ուժերը շարունակում են գործել Գազայի հատվածում՝ ոչնչացնելով ահաբեկիչներին։ Ցամաքային գործողության մեկնարկից ի վեր Իսրայելի պաշտպանության բանակը վերահսկողության տակ է վերցրել «ՀԱՄԱՍ» ահաբեկչական կազմակերպությանը պատկանող 11 ռազմական կետ»,- ասվում է հայտարարության մեջ:
Մամուլի ծառայությունը շարունակել է, որ «գիշերը Իսրայելի ռազմածովային ուժերը հարձակվել են Գազայի հատվածի հյուսիսում գտնվող «ՀԱՄԱՍ» ահաբեկչական կազմակերպության կողմից Իսրայելի պաշտպանության բանակի դեմ օգտագործվող շենքերի վրա»:
«Հարձակման են ենթարկվել նաև պահեստները, որտեղ պահվում էր ՀԱՄԱՍ-ի ռազմածովային տեխնիկան: Գազայի հատվածում հետևակայինների հուշումներից հետո, որոնք Ալ-Շաթի ճամբարի տարածքում գտնվող շենքերի ներսում ռազմական թիրախներ են հայտնաբերել, նավատորմը հարձակվել է այդ օբյեկտների վրա», - ավելացրել են զինվորականները:
