Լիբանանյան «Հըզբոլլահ»-ը ռուսական հականավային հրթիռներ ունի․ Reuters

Լիբանանյան «Հըզբոլլահ» խմբավորման տրամադրության տակ կան ռուսական հականավային հրթիռներ, որոնք կարող են կիրառվել Միջերկրական ծովում ամերիկյան ռազմանավերի դեմ: Այս մասին հայտնում է Reuters-ը ։ 

Անցյալ շաբաթ «Հըզբոլլահ»-ի առաջնորդ Հասան Նասրալլան հայտարարել էր, որ խմբավորումը «ինչ-որ բան ունի պահեստում» ամերիկյան նավերի համար, որոնք տեղակայված են տարածաշրջանում ՀԱՄԱՍ-ի հետ Իսրայելի պատերազմի սկսվելուց հետո:

Նրա խոսքով ՝ ԱՄՆ ռազմանավերը «չեն վախեցնում և չեն վախեցնի» խմբավորմանը։ 

Լիբանանում Reuters-ի երկու աղբյուրներ, որոնք ծանոթ են  «Հըզբոլլահ»-ի հնարավորություններին, պնդում են, որ Նասրալլան նկատի է ունեցել խմբավորման զգալիորեն մեծացած ռազմական ներուժը, որը ներառում է նաև ռուսական արտադրության հրթիռը։ 

Նշվում է, որ երեք գործող և մեկ նախկին ամերիկացի պաշտոնյաներ հայտարարել են, որ լիբանանյան խմբավորումը ստեղծել է զենքի տպավորիչ զինանոց, այդ թվում ՝ հականավային հրթիռներ: 

ՌԴ նախագահի խոսնակ Դմիտրի Պեսկովը Reuters-ին ասել է, որ Կրեմլը տեղեկություն չունի այն մասին, թե արդյոք «Հըզբոլլահ»-ը նման հրթիռներ ունի: