ԼՈՒՍԱՆԿԱՐՆԵՐ․ Պատերազմից մեկ ամիս անց․ Երուսաղեմում հիշում են զոհերին

Իսրայելցիները Երուսաղեմի Հին քաղաքի արևմտյան պատի մոտ (Լացի պատ) հարգել են հոկտեմբերի 7-ին ՀԱՄԱՍ-ի հարձակման ժամանակ զոհվածների հիշատակը և հիշել են պատանդներին: Տեղեկությունը փոխանցում է BBC-ի ռուսական ծառայությունը։

Հավաքվածները 1400 մոմ են վառել․ այն խորհրդանշում է հարձակման ժամանակ սպանվածների թիվը։  Բացի այդ, Լացի պատին պրոյեկտվել են ՀԱՄԱՍ-ի 240 պատանդներից մի քանիսի լուսանկարները, որոնք այժմ գտնվում են Գազայում:

Իսրայելի բնակիչները, տեղի ժամանակով ժամը 11:00-ին, մեկ րոպե լռությամբ հարգել են ՀԱՄԱՍ-ի հարձակման հետևանքով զոհվածների հիշատակը, որը տեղի է ունեցել ուղիղ մեկ ամիս առաջ:

Ակցիան կազմակերպել էին զոհվածների հարազատները. Նրանք կոչ են արել մարդկանց հագնել սև շապիկներ, իսկ մեկ րոպե լռությունից հետո երգել ազգային հիմնը:

Հիշատակի արարողությունները տեղի են ունեցել նաև դպրոցներում և համալսարաններում: Ակցիաներին մասնակցել են նաև 240 պատանդներից մի քանիսի ընտանիքները, որոնք գտնվում են Գազայում: Նրանք իշխանություններից պահանջում են ավելին անել իրենց հարազատների վերադարձի համար։ 

[99c5790cd6d90b7f131bd57724d8944a.jpeg]

[0692f4ea4a70e8f5737b2d9df9ffbdb5.jpeg]

[4d506761e476c83ee8c7083b018e9c45.jpeg]