Գազայում զոհվածների մարմինները ավանակներով են տեղափոխում, քանի որ չեն կարողանում շտապօգնություն զանգահարել։ Հայտնում է BBC-ի ռուսական ծառայությունը։

Շատ ծանր գիշեր է եղել, կապը չէր աշխատում, բջջային հեռախոսներն անջատված էին:

Գազա քաղաքի «Աշ-Շիֆա» հիվանդանոցի տնօրենն ասում է, որ մարդիկ մահացածների մարմինները տեղափոխում էին ավանակներով և սեփական մեքենաներով, քանի որ կապի բացակայության պատճառով նրանք չէին կարողանում կապվել շտապօգնության ծառայությունների հետ:

Առավոտյան կապը վերականգնվել է, սակայն Գազա քաղաքից տեղեկատվություն ստանալը դեռ շատ դժվար է։