ՏԵՍԱՆՅՈՒԹ. Շինարարին 24 ժամ է տրվելու փոսալցման համար. Գրիգորյան
Մայրաքաղաքում մեկնարկում է ճանապարհների ընթացիկ սպասարկման պիլոտային ծրագիրը: Այս մասին այսօր Երևանի քաղաքապետարանի գործակարգավարակ նիստի ժամանակ հայտարարեց շինբարեկարգման վարչության պետ Խորեն Գրիգորյանը:
Նշվում է, որ նախագիծը կիրականացվի Ավանի 5՝ 13 կմ երկարությամբ և Նոր Նորքի 12՝ 21 կմ երկարությամբ քաղաքային նշանակության փողոցներում:
Երևանի քաղաքապետ Տիգրան Ավինյանի այն հարցին, թե երևանցիները որոկական տեսանկյունից ինչ են տեսնելու,Գրիգորյանը պատասխանեց, որ խնդիրներին արձագանքը արագ է լինելու:
«Մենք չենք ունենալու շաբաթներով քանդված, փոսանորոգման տարածքներ, շինարարին 24 ժամ է տրվելու փոսալցման համար»,-ասաց Գրիգորյանը:
Նա նաև հավելեց, որ հունիս-հուլիս ամիսներին փոսալցման առումով լինելու են ամբողջական ավարտած աշխատանքներ:
