ՏԵՍԱՆՅՈՒԹ․ Թուրք տղամարդն առևանգել է 4-ամյա դստերը․ մանրամասներ՝ Համբուրգի օդանավակայանից

Համբուրգի օդանավակայանում զինված տղամարդը, պարզվել է, որ ազգությամբ թուրք է. նա ուզում է երեխային առևանգել և նրա հետ թռչել Թուրքիա։ Այս մասին տեղեկանում ենք Readovka-ից։ 

Ավելի վաղ հայտնել էինք, որ Համբուրգի օդանավակայանը դադարեցրել է աշխատանքը զինված տղամարդու պատճառով, ով մեքենայով դուրս է եկել թռիչքուղի և կանգ առել Turkish Airlines-ի ինքնաթիռի մոտ: 

Պարզվել է, որ գիշերը Համբուրգի օդանավակայանը կաթվածահար արած տղամարդը Ներքին Սաքսոնիայում բնակվող էթնիկ թուրք է։ Միջադեպից առաջ նրա կինը զանգահարել է գերմանական ոստիկանություն և զգուշացրել իրավապահներին, որ ամուսինը առևանգել է իրենց երեխային և տարել անհայտ ուղղությամբ։

Նշվում է, որ օդանավակայանը դեռ փակ է, ոստիկանությունը բանակցում է տղամարդու հետ։ Մեքենայի ներսում չորսամյա դուստրն է, որին թուրքը ցանկանում է առևանգել և տանել հայրենիք։