ՏԵՍԱՆՅՈՒԹ․ Անճշտությունը վերացվել է․ ինչ իրավիճակ է Տիգրան Մեծ - Քրիստափոր խաչմերուկում
Տիգրան Մեծ- Քրիստափոր խաչմերուկի անճշտությունը վերացվել է։
Հայտնել էինք, որ վերոնշյալ խաչմերուկում տեղադրված է երթևեկության նշան, որը ցույց է տալիս ուղիղ և աջ, սակայն նույն տեղում կար նաև նոր գծանշում, որը ցույց էր տալիս միայն աջ: Սա, բնականաբար, թյուրըմբռնում էր առաջացնում վարորդների շրջանում և նրանք, խախտելով երթևեկության կանոնները, տուգնվում էին։
Auroranews-ի թղթակիցը նկատել է, որ Տիգրան Մեծ - Քրիստափոր խաչմերուկի գծանշումն արդեն փոփոխված է՝ այժմ այն ևս ցույց է տալիս ուղիղ և աջ։
Հիշեցնենք, որ Auroranews-ը նաև կապ էր հաստատել Երևանի քաղաքապետարանի տրանսպորտի վարչության պետ Հայկ Էվոյանի հետ, ով մեզ հետ զրույցում նշել է.«խնդրին տեղյակ ենք, գծանշումը պետք է փոխվի, օրվա ընթացքում կուղղվի»։
