ՏԵՍԱՆՅՈՒԹ․ Երևան-Սևան ավտոճանապարհը խցանված է. մանրամասներ

Երևան-Սևան ավտոճանապարհը խցանված է։ Այս մասին MediaHub-ին ահազանգել են քաղաքացիները։

Նշվում է, որ երեկվանից ճանապարհը միակողմանի է, քանի որ ասֆալտապատման աշխատանքներ են իրականացվում, սակայն այն որևէ կերպ համակարգված չէ։ 

«Որևէ պարեկային ծառայող չկա, խցանումը ձգվում է, Աբովյանի ճանապարհը ևս ծանրաբեռված է, խցանումը կիլոմետրերով ձգվում է, զարմանում եմ, որ այս ժամերին որևէ համակարգում չկա, պարեկներ չկան»,- ասել է լրատվամիջոցի զրուցակիցը։ 

Auroranews-ը կապ հաստատեց Ոստիկանության հասարակայնության հետ կապի և լրատվության վարչության պետ Զարզանդ Գաբրիելյանի հետ: Նա մեզ հետ զրույցում նշեց, որ Երևան-Սևան ճանապահին շինաշխատանքներ են տարվում, այդդ հատվածը կահավորված է ամբողջությամբ եթևեկությունը կարգավորող նշաններով, բացի այդ պարեկային ծառայությունը տեղում է և հսկում է իրավիճակը:

Ճշտող հարցին, որ եթե պարեկներ կան, որն է խցանման պատճառը, Գաբրիելյանը նշեց, որ քանի որ մեծ շինարարություն է կարող է և խցանում առաջանալ:

Հրապարակվել են նաև կադրեր։ 

[43694864373e22ba7633ae636c444851.jpg]

[267713f534beb154d74367002d6d84bb.jpg]

[fd394a21a0f0be4921e51661be555437.jpg]