ՏԵՍԱՆՅՈՒԹ․ Լոնդոնում ակտիվիստները մուրճով կոտրել են Վելասկեսի նկարի ապակին
Մեծ Բրիտանիայի ոստիկանությունը ձերբակալել է «Just Stop Oil»-ի երկու բնապահպան ակտիվիստների, ովքեր Լոնդոնի Ազգային պատկերասրահում մուրճով կոտրել են Դիեգո Վելասկեսի «Հայելիով Վեներան» նկարի ապակին։
««Just Stop Oil»-ի երկու ակտիվիստներ բերման են ենթարկվել գույքը վնասելու համար: Ազգային պատկերասրահի նկարը պաշտպանող ապակին վանդալիզմի է ենթարկվել», - ասվում է Լոնդոնի ոստիկանությունում X սոցիալական ցանցում հրապարակված գրառման մեջ:
Պատկերասրահի աշխատակիցների խոսքով՝ նկարը հանվել է ցուցադրությունից՝ վերականգնողների կողմից հետագա ստուգման համար։
Բնապահպան ակտիվիստներն ասել են, որ իրենց նոր ակցիան պատասխանն է բրիտանական կառավարության՝ նավթի արդյունահանման թույլտվությունների քանակն ավելացնելու ծրագրերին։
