ՏԵՍԱՆՅՈՒԹ. «Կերե՛ք այս մկները, ոչ թե մուսուլմանների միսը». ինչ է կատարվել Թուրքիայի McDonalds–ում

Ստամբուլում անհայտ անձը McDonalds–ի մասնաճյուղերից մեկում մկներով լի արկղ է նետել։ Այս մասին տեղեկանում ենք տեղի լրատվամիջոցներից:

Մի տղամարդ Ստամբուլի McDonalds–ի մասնաճյուղ է մտել և մկներով լի արկղ նետել հատակին: Միաժամանակ նա բղավել է. «կերե՛ք այս մկները, ոչ թե մուսուլմանների միսը»:

Ըստ ԶԼՄ-ի՝ միջադեպը տեղի է ունեցել քաղաքի արեւմուտքում գտնվող Մերթեր թաղամասում:

Հիշեցնենք` մի շարք երկրներում McDonalds–ի դեմ բողոքի ակցիաներ են սկսվել, այն բանից հետո, երբ համացանցում տեսանյութ էր տարածվել, թե ինչպես է McDonalds–ը Իսրայելում զինվորներին համբուրգերներ բաժանում։