Իսրայելից նշում են զինադադարի հաստատման պայմանը
Պաղեստինյան արմատական ՀԱՄԱՍ շարժման կողմից պահվող ավելի քան 240 պատանդներից շատերը դեռ ողջ են, քանի որ Իսրայելը դեմ է արտահայտվել ցանկացած հրադադարի՝ առանց նրանց ազատ արձակելու: Այս մասին գրում է The Jerusalem Post թերթը` հղում անելով իսրայելական դիվանագիտական աղբյուրին։ Տեղեկությունը փոխանցում է ՏԱՍՍ-ը։
Աղբյուրը կարծում է, որ ՀԱՄԱՍ-ը կարող է պատանդների հարցով գործարքի գնալ ցամաքային գործողության ճնշման ներքո:
«Ի սկզբանե այդ ուղղությամբ ոչինչ չի նկատվել, սակայն այժմ որոշ բաներ երևում են, բայց դա դեռ չի հասունացել»,- ասել է աղբյուրը:
Զինադադարի մասին ցանկացած համաձայնագիր, նրա կարծիքով, իրականում ժամանակավոր է լինելու և ավելի շատ նման է լինելու դադարի: Դա կարող է տեղի ունենալ միայն բոլոր պատանդների ազատ արձակման դիմաց՝ հստակ գիտակցելով, որ Իսրայելը կշարունակի «աշխատել ՀԱՄԱՍ-ին հաղթելու համար»։
