Հայտնի է ԵՄ-ում հոկտեմբերի 7-ից հրեաների դեմ ակցիաների քանակը

Եվրամիության արտաքին գործերի եւ անվտանգության քաղաքականության հարցերով գերագույն ներկայացուցիչ Ժոզեպ Բորելը հայտարարել է, որ հոկտեմբերի 7-ից միայն Ֆրանսիայում ավելի քան հազար հակահրեական ակտ է գրանցվել: Տեղեկությունը փոխանցում է gazeta.ru-ն։

Ավելի վաղ Բորելը դատապարտել էր Իսրայելի հարվածը Գազայի հատվածում գտնվող Ջաբալիա փախստականների ճամբարին։  X-ի իր միկրոբլոգում նա հայտարարել է, որ ցնցված է քաղաքացիական բնակչության շրջանում կորուստների քանակից։

Ավելի վաղ  ներքին գործերի նախարար Ժերալդ Դարմանենը հայտնել էր, որ պաղեստինա-իսրայելական հակամարտության սրումից ի վեր Ֆրանսիայում հակասեմականության 1040 ակտ է գրանցվել:

«Հակասեմական գործողությունների թիվը մեծապես աճել է ։  Ավելի քան 1000 ակտ է գրանցվել Ֆրանսիայում ՝ 1040, ավելի ճիշտ։  486 մարդ ձերբակալվել է»,- ասել է նա France 2 հեռուստաալիքի եթերում։

Դարմանենի խոսքով՝ ձերբակալվածների ընդհանուր թվից 102 մարդ օտարերկրյա քաղաքացիներ են, և այժմ Ֆրանսիայում գտնվելու նրանց թույլտվությունը չեղյալ է հայտարարվում, որից հետո օտարերկրացիներին սպասվում է արտաքսում: