Ինչ որոշում է կայացրել Նեթանյահուն իսրայելցի նախարարի՝ միջուկային հարվածի մասին հայտարարությունից հետո

Իսրայելի վարչապետ Բենիամին Նեթանյահուն կառավարության նիստերից հեռացրել է Ժառանգության նախարար Ամիչայ Էլիահուին։ Վերջինս հայտարարել էր, որ Գազայի հատվածի վրա միջուկային հարված հասցնելը հակամարտության զարգացման «հնարավորություններից մեկն է»։

Հաղորդվում է, որ Նեթանյահուի որոշմամբ Երուսաղեմի ծայրահեղ աջակողմյան և Ժառանգության նախարար Էլիահուն անժամանակ հեռացվել է կառավարության նիստերից։

Իսրայելի պաշտպանության նախարար Յոավ Գալանտը ևս խստորեն դատապարտել է Էլիահուին նման հայտարարությունների համար։

«Ես դատապարտում եմ նախարար Ամիչայ Էլիահուի անհիմն և անպատասխանատու խոսքերը: Լավ է, որ նման մարդիկ չկան Իսրայելի անվտանգության համար պատասխանատուների թվում»,- գրել է Գալանտը X սոցիալական ցանցում:

Ավելի վաղ հայտնել էինք, որ Kol Berama ռադիոկայանի եթերում, պատասխանելով հաղորդավարի այն հարցին, թե պետք է արդյոք միջուկային հարված հասցնել պաղեստինյան անկլավի վրա, Էլիյահուն նշել է, որ «դա հնարավոր տարբերակներից մեկն է»: Ավելի ուշ նախարարը նշել է, որ «ցանկացած ողջամիտ մարդու համար պարզ է, որ ատոմային ռումբի մասին պնդումը փոխաբերական է»: Իսրայելի վարչապետ Բենիամին Նեթանյահուն մերժել է Գազայի հատվածի վրա միջուկային հարվածի հնարավորության մասին Երուսաղեմի և հրեական պետության ժառանգության հարցերով նախարար Ամիհայ Էլիյահուի հայտարարությունները: