Երեկ՝ նոյեմբերի 1-ին, կրակոցներ են հնչել Երևանի թիվ 83 մանկապարտեզի մոտ: Ինչպես հայտնում է Shamshyan.com-ը՝ ժամը 12:40-ի սահմաններում ՀՀ Ներքին գործերի նախարարության Ոստիկանության Մալաթիայի բաժին է դիմել Երևանի բնակիչ Անահիտ Կարապետյանը և հայտնել, որ մանկապարտեզի 2 պատուհանափեղկերը վնասվել են կրակոցի հետևանքով: 

Իրավապահները պարզել են, որ «անհայտ անձը կամ անձինք հոկտեմբերի 31-ին, ժամը 15:00-ից 15:30-ն ընկած ժամանակահատվածում ատրճանակով կրակել և վնասել են մանկապարտեզի պատուհանները՝ դրանով պատճառելով նյութական վնաս: Բարեբախտաբար տուժածներ չկան»:

Մալաթիայի քննչական բաժնում նախաձեռնվել է քրեական վարույթ: