Իսրայելի բանակի խոսնակ Դանիել Հագարին հայտարարել է, որ իսրայելցի զինվորականներն ավարտել են Գազա քաղաքի հյուսիսային հատվածի շրջափակումը, հաղորդում է Haaretz թերթը։
 

Նա հավելել է, որ իսրայելական զինվորականները «հարձակվում են ՀԱՄԱՍ-ի դիրքերի, հրամանատարական կետերի, հրթիռների արձակման դիրքերի և ենթակառուցվածքների վրա և մոտ մարտերում սպանում են ահաբեկիչներին»։
 

Նախկինում Իսրայելի բանակի ներկայացուցիչներն արդեն հայտնել էին, որ զինվորականները մոտ մարտեր են վարում ՀԱՄԱՍ-ի անդամների հետ, որոնք հարձակումներ են իրականացնում ստորգետնյա թունելներից։
 

Իսրայելի պաշտպանության բանակի տվյալներով՝ վերջին մի քանի ժամում սպանվել է ՀԱՄԱՍ-ի 130 պաշտոնյա։ Գազայում ցամաքային գործողության մեկնարկից ի վեր սպանվել է նաև մոտ 20 իսրայելցի զինվոր։