ՏԵՍԱՆՅՈՒԹ. Զինված անձը կրակ է բացել հիվանդանոցում, այնուհետև փոստային բաժանմունքում պատանդ վերցրել մարդկանց. Ճապոնիա
Ճապոնիայում զինված անձը նախ մտել է հիվանդանոց և այնտեղ կրակ բացել, ապա փախել մոտակա քաղաք և փոստատանը պատանդ վերցրել մարդկանց։
Ճապոնիայի Սայտամա պրեֆեկտուրայում զինված անձը կրակ է բացել հիվանդանոցում, ինչի հետևանքով վիրավորվել է բժիշկ և հիվանդ։ Ոստիկաններին չի հաջողվել բռնել հանցագործին, եւ նա փախել է հարեւան քաղաք։
Երբ տղամարդը հայտնվել է մեկ այլ քաղաքում, նա մտել է փոստային բաժանմունքը և պատանդներ վերցրել։ Այժմ ոստիկանները շրջափակել են տարածքը, շենքի ներսում 10 մարդ կա՝ չհաշված զինված տղամարդուն, հայտնում է readovkanews-ը։ Լրատվամիջոցները նշում են, որ կրակողի մոտ կա ատրճանակ և կերոսինի տարա։
