ՏԵՍԱՆՅՈՒԹ. Կա արդյո՞ք պայմանավորվածություն, որ Snoop Dogg-ը նորից կգա ՀՀ. Վարչապետի աշխատակազմից մանրմասնում են
Վարչապետի աշխատակազմի ղեկավարի տեղակալ Արմենակ Խաչատրյանը չի կարող ասել, թե երբ տեղի կունենա հայտնի ռեփփեր Snoop Dogg-ի համերգը:
«Ես հիմա չեմ կարող կոնկրետ օր նշել, բայց ամեն ինչ արվում է, որ գա», - լրագրողների հետ զրույցում ասաց նա:
Լրագրողի հարցին` կենսական անհրաժեշտությո՞ւն էր այդ համերգը կազմակեպել սոցիալական այս ծանր իրավիճակում` Խաչատրյանն արձագանքեց. «Ցանկացած միջոցառում, որ կառավարությունը նախատեսել է անել, այո՛»:
Հավելենք, որ Ամերիկացի հայտնի ռեփեր Սնուպ Դոգին Երևանում սեպտեմբերի 23-ին նախատեսված համերգի համար 2.3 մլրդ դրամն ամբողջությամբ վճարվել է:
Հիշեցնենք, որ Երևանում սեպտեմբերի 23-ին նախատեսված ամերիկացի հայտնի ռեփեր Սնուփ Դոգի (Snoop Dogg) համերգի մասին հայտարարելուց հետո բուռն քննարկումներ ծավալվեցին հիմնականում համերգի վրա ծախսվելիք պետական գումարների շուրջ։ Սնուպ Դոգի համերգը չեղարկվեց Արցախի Հանրապետությունում տեղի ունեցած ողբերգական դեպքերով պայմանավորված։ Սնուպ Դոգը գումարը չի վերադարձրել ու չի վերադարձնի։
Ազգային ժողովի նախագահ Ալեն Սիմոնյանն էլ իր հերթին կարծում է, որ աշխարհահռչակ ռեփեր Սնուփ Դոգի երևանյան համերգը պետք է լինի բաց բոլորի համար։
