ՏԵՍԱՆՅՈՒԹ. Ինչ իրավիճակ է Ջերմուկում. մարզպետը մանրամասնել է
Վայոց Ձորի մարզում, մասնավորապես Ջերմուկ քաղաքի մոտակայքում, սահմանային իրավիճակը հանգիստ է։ Այս մասին լրագրողների հետ զրույցում ասաց Վայոց Ձորի մարզպետ Արարատ Գրիգորյանը։
«Մարզում որևէ փոփոխություն չկա, վիճակը հանգիստ է։ Ադրբեջանական զորքերը որտեղ տեղակայված էին, այնտեղ էլ մնում են, ո՛չ առաջ են եկել, ո՛չ էլ հետ են գնացել»,– ասաց Գրիգորյանը։
Հարցին` արդյոք նկատի ունի 2022 թվականի սեպտեմբերյան ագրեսիայից հետո գրաված դիրքերն ու տարածքները, մարզպետը դրական պատասխան տվեց։
Հիշեցնենք` Ադրբեջանի ԶՈւ ստորաբաժանումները 2022 թ. սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
