ՏԵՍԱՆՅՈՒԹ. Մեսսին արժանացավ իր 8-րդ «Ոսկե գնդակին»
Արգենտինայի հավաքականի և ամերիկյան «Ինտեր Մայամիի» 36-ամյա հարձակվող Լիոնել Մեսսին արժանացել է իր 8-րդ «Ոսկե գնդակին»։ Տարվա լավագույն խաղացողի մրցանակը արգենտինացուն հանձնել է Անգլիայի հավաքականի նախկին խաղացող, «Ինտեր Մայամիի» համասեփականատեր Դեյվիդ Բեքհեմը։
Պատվավոր մրցանակի համար պայքարում էին նաև Էրլինգ Հոլանդը և Կիլիան Մբապեն։
Հիշեցնենք, որ նախորդ մրցաշրջանում լեգենդար ֆուտբոլիստը Արգենտինայի հավաքականի կազմում հաղթեց աշխարհի առաջնությունը, իսկ ՊՍԺ-ի կազմում դարձավ Ֆրանսիայի չեմպիոն։
