Իսպանիան հետաքննություն է սկսել X-ի, Meta-ի և TikTok-ի դեմ

Իսպանիայի կառավարությունը հանձնարարել է դատախազությանը հետաքննել սոցիալական մեդիայի հարթակներ X-ը, Meta-ն և TikTok-ը՝ արհեստական ինտելեկտի (ԱԻ) միջոցով ստեղծված մանկական սեռական բռնության նյութերի տարածման կասկածով։ Այս մասին հայտարարել է երկրի վարչապետ Պեդրո Սանչեսը։

«Այս հարթակները խաթարում են մեր երեխաների հոգեկան առողջությունը, արժանապատվությունն ու իրավունքները»,- գրել է Սանչեսը X-ում իր էջում։ 

Իսպանիայի հայտարարությունը հնչում է այն ֆոնին, երբ եվրոպական կարգավորող մարմինները խստացնում են վերահսկողությունը խոշոր տեխնոլոգիական ընկերությունների նկատմամբ։  Ավելի վաղ՝ այս ամսվա սկզբին, Սանչեսը ներկայացրել էր մի շարք միջոցառումներ՝ ուղղված առցանց չարաշահումների սահմանափակմանը և երեխաների պաշտպանությանը։ Առաջարկներից մեկը նախատեսում է արգելել սոցիալական մեդիայի հասանելիությունը մինչև 16 տարեկանների համար։ 

 X-ի սեփականատեր Իլոն Մասկը նրան անվանել է «Իսպանիայի ժողովրդի դավաճան»։ Telegram-ի հիմնադիր Պավել Դուրովն էլ հայտարարել է, որ առաջարկվող քայլերը «երաշխիքներ» չեն, այլ շարժ են դեպի «ամբողջական վերահսկողություն»։