Թեհրանը սպառանացել է փակել Օրմուզի նեղուցը

Իրանը անհրաժեշտության դեպքում կկարողանա կարճ ժամկետում փակել Օրմուզի նեղուցը, հայտարարել է Իսլամական հեղափոխության պահապանների կորպուսի ռազմածովային ուժերի հրամանատար Ալիռեզա Թանգսիրին։ Նրա խոսքով՝ եթե ստեղծվի նման քայլի համար հիմք, զինված ուժերը պատրաստ են անհապաղ իրականացնել համապատասխան գործողությունը։ Հրամանատարի հայտարարությունը հրապարակել է IRIB պետական հեռարձակողը։

Fars գործակալության տեղեկություններով՝ այսօր նեղուցի մի հատված մի քանի ժամով կփակվի՝ ռազմածովային զորավարժությունների պատճառով։ Նշվում է, որ սահմանափակումը ժամանակավոր բնույթ կկրի։

Ավելի վաղ Reuters-ը հաղորդել էր, որ ԱՄՆ պաշտպանության նախարարությունը մշակում է Իրանի դեմ երկարատև ռազմական արշավի տարբերակ՝ այն դեպքում, եթե ձախողվեն միջուկային ծրագրի շուրջ բանակցությունները։ Ըստ հրապարակման՝ այս անգամ նախատեսվող գործողությունները կարող են ընդգրկել ոչ միայն միջուկային օբյեկտները, այլև պետական և ուժային կառույցները։ Միացյալ Նահանգներում նաև հաշվի են առնում հնարավոր պատասխան քայլերի ռիսկը։

Այսօր Ժնևում՝ Օմանի դիվանագիտական առաքելությունում, անցկացվել է Իրանի և ԱՄՆ-ի միջև միջուկային հարցով բանակցությունների երկրորդ փուլը, որի ընթացքում քննարկվել են նաև պատժամիջոցների վերացման մանրամասները։