Ռուսաստանում Telegram-ի ամբողջական արգելափակումը կսկսվի ապրիլի 1-ից
Ռուսաստանում Telegram մեսենջերի ամբողջական արգելափակումը կարող է սկսվել ապրիլի 1-ից։ Այս մասին գրում է Baza տելեգրամյան ալիքը՝ հղում անելով մի քանի գերատեսչությունների իր աղբյուրներին։
Աղբյուրների փոխանցմամբ՝ նշված ամսաթվից «Ռոսկոմնադզոր»-ը նախատեսում է սկսել հարթակի համատարած սահմանափակում՝ այն նույն մեխանիզմով, ինչպես նախկինում արվել է Instagram և Facebook սոցիալական ցանցերի դեպքում։ Վերջիններիս գործունեությունը Ռուսաստանում դադարեցվել է այն բանից հետո, երբ դրանց սեփականատեր Meta ընկերությունը ճանաչվել է ծայրահեղական կազմակերպություն և արգելվել երկրում։
Հաղորդվում է, որ հնարավոր սահմանափակումը կգործի Ռուսաստանի ամբողջ տարածքում։ Ըստ հրապարակման՝ հավելվածը չի գործելու ոչ բջջային կապի ցանցերով, ոչ էլ ֆիքսված ինտերնետային համակարգերով։
Հավելենք՝ պաշտոնական հաստատում տվյալ տեղեկության վերաբերյալ այս պահին չի հրապարակվել։
