«Մեր բանակը կատաղի մարտեր է մղում Գազայի հատվածում». Իսրայելի ՊԲ
Իսրայելի պաշտպանության բանակը՝ ցամաքային զորքերի առաջնորդությամբ, կատաղի մարտեր են մղում Գազայի հատվածի խորքում: Այս մասին, ինչպես գրում է jpost.com-ը, հայտնել է Իսրայելի բանակը՝ մանրամասնելով, որ տասնյակ ահաբեկիչներ են սպանվել:
Նշվում է, որ Իսրայելի պաշտպանության բանակը հարձակվել է Գազայի հատվածի հյուսիսում գտնվող ՀԱՄԱՍ-ի դիրքերի վրա։ Դիրքերում հայտնաբերվել է զենքի մեծ պահեստ։
Իսրայելի պաշտպանության բանակը հայտնել է, որ գիշերը խոցել է ՀԱՄԱՍ-ի 300 թիրախ, այդ թվում՝ հակատանկային հրթիռների արձակման վայրեր և ՀԱՄԱՍ-ին պատկանող ստորգետնյա թունելներում գտնվող ռազմական համալիրներ:
Ավելի վաղ հայտնել էինք, որ ՀԱՄԱՍ-ի ռազմական թևը գնդակոծել Է Թել Ավիվը:
