Բաքվում կայացել է Ադրբեջանի ՊՆ ղեկավարի առաջին տեղակալ Քերիմ Վելիևի հանդիպումը Իտալիայի զինված ուժերի ԳՇ պետ Ջուզեպպե Կավոյի հետ։ 

Ադրբեջանական ԶԼՄ-ները, վկայակոչելով երկրի ՊՆ տարածած հաղորդագրությունը  հայտնում են, որ Վելիևն իտալական պատվիրակությանը ներկայացրել է Արցախի դեմ սեպտեմբերի 19-ին ադրբեջանական ուժերի ռազմական գործողությունների հետևանքները: 

Նշվում է, որ կողմերը նաև քննարկել են Ադրբեջանի ՊՆ-ում անցկացվող բարեփոխումները, ինչպես նաև Իտալիայի և Ադրբեջանի միջև ռազմական համագործակցության ընդլայնման անհրաժեշտությունը։