Որոնք են Մոլդովայում արգելափակված ռուսական լրատվամիջոցները

Մոլդովայի անվտանգության ծառայությունն արգելափակել է մի շարք ռուսական կայքերի հասանելիությունն իր տարածքում։ Դա իրականացվել է երկրի հատուկ ծառայության՝ «Տեղեկատվության և անվտանգության դեպարտամենտի» հրահանգով, փոխանցում են ռուսական ԶԼՄ-ները։

Ընդհանուր առմամբ՝ 31 կայք է արգելափակվել, որոնցից 21-ը ուղղակիորեն կառավարվում են Ռուսաստանից։

Արգելափակված կայքերի թվում են ռուսաստանյան երկու խոշոր լրատվական գործակալությունների՝ ТАСС-ի և «Интерфакс»-ի,  ինչպես նաև «Sputnik»-ի, «Ռոսիյսկայա գազետա» պաշտոնաթերթի էջերը։ Արգելափակվել են նաև «Комсомольская правда»-ն, «Известия»-ն, «Лента.ру»-ն։

Նշենք, որ Ուկրաինայում ռազմական գործողությունների սկսվելուց հետո մի շարք երկրներ որոշել են արգելափակել ռուսական լրատվամիջոցների հեռարձակումն իրենց տարածքում։