Պաղեստինյան Կարմիր մահիկի Ալ-Քուդս հիվանդանոցի ղեկավարությունը իսրայելցի զինվորականներից նախազգուշացում է ստացել հիվանդանոցը հարվածելու մտադրության մասին, որտեղ, բացի 400 հիվանդից, Գազայի հատվածի մոտ 12 հազար բնակիչներ ապաստան են գտել ռմբակոծությունից: Ասված է Պաղեստինյան Կարմիր մահիկի X սոցցանցում տարածած հայտարարության մեջ:

«Ալ-Քուդսի հիվանդանոցը իսրայելական զինվորականներից հրաման է ստացել անհապաղ տարհանման մասին, քանի որ նրանք մտադիր են հարձակվել նրա վրա»,- ասվում է կազմակերպության հայտարարության մեջ:

Հիվանդանոցի տվյալներով՝ 400 հիվանդից բացի, այժմ Գազայի հատվածի մոտ 12 հազար բնակիչ կա, ովքեր այնտեղ ապաստան են գտել Գազայի հատվածի շարունակվող ինտենսիվ ռմբակոծությունից։ Գազայի հատվածի քաղաքացիական պաշտպանության ծառայության տվյալներով՝ անկլավում հաղորդակցությունների մասնակի վերադարձից հետո փրկարարները սկսել են հաղորդագրություններ ստանալ՝ օգնություն խնդրելով միաժամանակ ռմբակոծված 20 տարբեր վայրերից։