Հայտնի է, թե քանի երեխա է զոհվել Գազայի հատվածի գնդակոծության հետևանքով

Իսրայելի կողմից Գազայի հատվածի գնդակոծության հետևանքով զոհված երեխաների թիվը գերազանցել է 3,3 հազարը, մինչդեռ ավելի քան հազար երեխա ներկայումս մնում է փլատակների տակ, ասել է Պաղեստինի Առողջապահության նախարարության ներկայացուցիչ Աշրաֆ ալ-Կուդրան։

Նախկինում առողջապահության նախարարությունը հայտնել էր, որ զոհված երեխաների թիվը հասել է 3195-ի։

«Հոկտեմբերի 7-ից ի վեր Գազայի հատվածում իսրայելական ագրեսիայի զոհերի թիվը կազմել է 8005 մարդ, որից 3324-ը երեխաներ են»,- ասել է Ալ-Կուդրան մամուլի ասուլիսի ժամանակ։

Առողջապահության նախարարության ներկայացուցիչը նշել է նաեւ, որ այս պահին փլատակների տակ է մնում 1020 երեխա։