ՏԵՍԱՆՅՈՒԹ. Գազայի հատվածին ավիահարվածներ են հասցվում նաև որոնողափրկարարական աշխատանքների ընթացքում

Իսրայելի բանակը Գազայի բնակիչներին կոչ է արել տարհանվել ալ-Մավասիի հումանիտար տարածք (հատվածի հարավային ափին), որտեղ անհրաժեշտության դեպքում նրանց օգնություն «կտրամադրվի»:

Հրապարակվել են կադրեր, որոնցում Իսրայելը ավիահարվածներ է հասցնում Գազայի հատվածին այն ժամանակ, երբ փրկարարներն ավերված հիվանդանոցի փլատակներում կանանց ու երեխաներին են փնտրում։ Կադրերը հրապարակել է The Guardian-ը:

Հիշեցնենք, որ Al Arabiya հեռուստաալիքը, վկայակոչելով աղբյուրներ, հայտնում է, որ Գազայում հիվանդանոցի վրա հարձակման հետևանքով զոհերի թիվը գերազանցել է 800-ը։ 

Գազայի բապտիստական ​​հիվանդանոցին հարվածներ են հասցվել հոկտեմբերի 17-ի երեկոյան։ Իսրայելական բանակը հայտարարել է, որ հետաքննում է միջադեպը և տեղի ունեցածը կապում է «Իսլամական ջիհադ»–ի կողմից հրթիռի անհաջող արձակման հետ: Իսրայելի վարչապետ Բենյամին Նեթանյահուն ասել է, որ իսրայելցի զինվորականները չեն հարվածել հիվանդանոցին, և տեղի ունեցածի պատասխանատվությունը կրում են «Գազայի հատվածի բարբարոս ահաբեկիչները»։ Պաղեստինի նախագահ Մահմուդ Աբասը հարձակումն անվանել է «իսրայելական ռազմական հանցագործություն» և եռօրյա սուգ հայտարարել։