Իսրայելի կառավարությունն արգելել է բանակին՝ ԱՄՆ նախագահ Ջո Բայդենի այցի ժամանակ հարվածներ հասցնել Գազայի հատվածին։ Այսպիսի հայտարարություն է արել «Kan» պետական ​​հեռուստառադիոընկերությունը՝ վկայակոչելով ուժային կառույցների աղբյուրին։

Միևնույն ժամանակ, եթե Իսրայելի պաշտպանության ուժերը ստիպված լինեն հարձակվել հրթիռային կայանների և «Համաս»-ի ահաբեկիչների վրա, այդ գործողությունները չեն արգելվի իշխանությունների կողմից։

Ավելի վաղ հայտնել էինք, որ Ամերիկայի նախագահը Թել-Ավիվ է ժամանել պաղեստինա-իսրայելական հակամարտության սրման ֆոնին` իր այցով աջակցություն ցույց տալու համար Իսրայելին: Վարչապետ Բենյամին Նեթանյահուն անձամբ է դիմավորել Բայդենին: Նրանց հանդիպումը տեւել է ավելի քան մեկ ժամ։