![ՀԱՄԱՍ–ը նոր նացիստներն են. Բենյամին Նեթանյահու](https://auroranews.am/storage/img/base_image/old/1927022ed59bee7bfc03f947174102a1.webp)
ՀԱՄԱՍ–ը նոր նացիստներն են. Բենյամին Նեթանյահու
![ՀԱՄԱՍ–ը նոր նացիստներն են. Բենյամին Նեթանյահու](https://auroranews.am/storage/img/base_image/old/1927022ed59bee7bfc03f947174102a1.webp)
Իսրայելի վարչապետ Բենիամին Նեթանյահուն հայտարարել է, որ ՀԱՄԱՍ-ը պատասխանատու է Գազայի հատվածում խաղաղ բնակիչների, այդ թվում՝ իսրայելցի պատանդների և պաղեստինցիների անվտանգության համար։
Ելույթ ունենալով Գերմանիայի կանցլեր Օլաֆ Շոլցի հետ համատեղ մամուլի ասուլիսում՝ Նեթանյահուն աշխարհին կոչ է արել հաղթել ՀԱՄԱՍ–ին:
«ՀԱՄԱՍ–ը նոր նացիստներն են. Համասը ԴԱԻՇ է, որոշ դեպքերում ավելի վատ, քան ԴԱԻՇ-ը։ Եվ ինչպես աշխարհը միավորվեց՝ հաղթելու նացիստներին, ինչպես աշխարհը միավորվեց՝ հաղթելու ԴԱԻՇ-ին, այնպես էլ աշխարհը պետք է միավորվի Իսրայելի թիկունքում՝ ՀԱՄԱՍ–ին հաղթելու համար: Դա Իրանի, «Հըզբոլլահի» և ՀԱՄԱՍ–ի չարիքի առանցքի մի մասն է», - ասել է Նեթանյահուն։
«Նրանց նպատակը, նրանց բացահայտ նպատակը Իսրայել պետությունը ոչնչացնելն է։ ՀԱՄԱՍ-ի բացահայտ նպատակն է սպանել որքան հնարավոր է շատ հրեաների, և միակ տարբերությունն այն է, որ նրանք կսպանեին մեզանից յուրաքանչյուրին, նրանք կսպանեին մեզանից յուրաքանչյուրին, եթե կարողանային»,- ասել է Իսրայելի վարչապետը։