![Գազայի հատվածում առավոտյան զոհվել է ավելի քան 50 խաղաղ բնակիչ](https://auroranews.am/storage/img/base_image/old/d384e6ebeab114641e02ff7da6f04588.webp)
Գազայի հատվածում առավոտյան զոհվել է ավելի քան 50 խաղաղ բնակիչ
![Գազայի հատվածում առավոտյան զոհվել է ավելի քան 50 խաղաղ բնակիչ](https://auroranews.am/storage/img/base_image/old/d384e6ebeab114641e02ff7da6f04588.webp)
Պաղեստինի արտաքին գործերի նախարարության տվյալներով` միայն Գազայի հատվածում իսրայելական հարվածների հետևանքով առավոտյան զոհվել է ավելի քան 50 խաղաղ բնակիչ:
Ինչպես նշում է ՌԻԱ «Նովոստի»-ն, զոհերի մեծ մասը կանայք և երեխաներ են:
ՀԱՄԱՍ խմբավորումը սրան պատասխանել է՝ հայտարարելով Թել Ավիվի հրթիռակոծման մեկնարկի մասին:
Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին: