Իսրայելի վարչապետ Բենյամին Նեթանյահուն կիրակի օրը բացել է արտակարգ կառավարության առաջին նիստը, որի ժամանակ հայտարարել է, որ պաղեստինյան ՀԱՄԱՍ շարժումը կոչնչացվի: Այս մասին հայտնում է ՌԻԱ «Նովոստի»-ն:

Նիստը սկսվել է մեկ րոպե լռությամբ՝ ի հիշատակ էսկալացիայի ընթացքում զոհված իսրայելցիների և պաղեստինցիների հետ մարտերում զոհված զինվորների:

Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։