ՏԵՍԱՆՅՈՒԹ. Լուվրի թանգարանի այցելուները տարհանվել են ռումբի մասին ահազանգի պատճառով
Ֆրանսիայի ամենամեծ թանգարաններից մեկը՝ Լուվրը, շաբաթ օրը փակ է այցելուների համար ռումբի մասին հաղորդագրություններից հետո: Այս մասին հայտնում է BFMTV հեռուստաալիքը՝ հղում անելով ոստիկանության աղբյուրին։
Թանգարանի այցելուները շտապ տարհանվել են, ոստիկանությունը շրջափակել է թանգարանը, կատարվում է հետաքննություն։
Թանգարանի մամուլի ծառայությունից ՏԱՍՍ-ի թղթակցին հայտնել են, որ աշխատանքների դադարեցումը պայմանավորված է «թանգարանին ու այցելուներին սպառնացող վտանգի մասին նախազգուշացնող գրավոր հաղորդագրություն ստանալու պատճառով»։ «Լուվրը որոշել է, հաշվի առնելով երկրում տիրող իրավիճակը (արտակարգ դրություն է հայտարարվել ուրբաթ երեկոյան), տարհանել թանգարանի շենքը և փակել այն ամբողջ օրը՝ անհրաժեշտ ստուգումներ իրականացնելու համար»,- ասել է գործակալության աղբյուրը։ Բացի այդ, բոլոր այցելուներին, ովքեր շաբաթ օրվա տոմսեր ունեին, խոստացան վերադարձնել գումարը:
