ԱՄՆ-ն ոչինչ չի անում Իսրայելին զսպելու համար․ Իրանի ԱԳՆ
ԱՄՆ-ն մտահոգված է Մերձավոր Արևելքում հակամարտության մասշտաբների հնարավոր ընդլայնմամբ, սակայն ոչինչ չի անում Իսրայելին զսպելու համար: Այս մասին Բեյրութում կայացած մամուլի ասուլիսի ժամանակ հայտարարել Է Իրանի արտաքին գործերի նախարար Հոսեյն Ամիր Աբդոլլահիյանը։
«Ամերիկացիները զսպվածության կոչ են անում բոլոր կողմերին, բայց միևնույն ժամանակ թույլ են տալիս Իսրայելին շարունակել ագրեսիան և հանցավոր գործողություններ կատարել ՝ սպանելով խաղաղ բնակիչներին Գազայի հատվածում», - ընդգծել է նա:
«Եթե ԱՄՆ-ն իսկապես ձգտում է կանխել պատերազմի տարածումը տարածաշրջանում, ապա պետք է զսպի Իսրայելին», - ասել է նա:
Ինչպես նշել Է իրանցի դիվանագետը, Վաշինգտոնը «տարածաշրջանում խաղաղության և անվտանգության կոչ է անում, բայց միևնույն ժամանակ շարունակում է զենք ուղարկել և ռազմական աջակցություն ցուցաբերել Իսրայելին»:
