«Հայերի Էթնիկ զտումը կարող է ավելի խորանալ, եթե դատարանը հրատապ քայլեր չձեռնարկի». Էլիսոն ՄաքԴոնալդ

Այսօր՝ հոկտեմբերի 12-ին, հայտարարել է արդարադատության միջազգային դատարանում Ադրբեջանի դեմ Հայաստանի բողոքի քննության ժամանակ Հայաստանը ներկայացնող պրոֆեսոր Էլիսոն ՄաքԴոնալդը․

«Ադրբեջանի կողմից սեպտեմբերի 19-ի բռնի գործողությունները եվրոպական խորհրդարանի կողմից մեկնաբանվել են որպես ծրագրված, չարդարացված ռազմական հարձակում, որը մարդու իրավունքների և միջազգային իրավունքի կոպիտ խախտում է և հակասում է 2020թ․ նոյեմբերի 9-ի հրադադարի համաձայնագրին։ 

Այս հարձակման պատճառով ավելի քան 100.000 էթնիկ հայեր լքել են իրենց տները՝ վերցնելով միայն այն, ինչ հնարավոր էր հավաքել ձեռքով։ Այս ողբերգությունը նոր ենք ընկալում, էթնիկ զտումը սարսափեցնող է, բայց մենք այսօր այստեղ ենք, որովհետև հնարավոր է ավելի խորը վնաս պատճառվի, եթե դատարանը հրատապ քայլեր չձեռնարկի», - հայտարարել է ՄաքԴոնալդն իր ելույթում։