Առնվազն 50 պաղեստինցի Է զոհվել Իսրայելի բանակի կողմից Գազայի հատվածի հյուսիսում գտնվող փախստականների համար նախատեսված Ջաբալիա ճամբարի գնդակոծման հետևանքով: Այս մասին հայտնում է Al Jazeera հեռուստաալիքը:

Նրա տվյալներով ՝ հարվածը հասել է խիտ բնակեցված շրջանին, արկերից մեկը հարվածել է բնակելի շենքին ։ Ռմբակոծության հետևանքով կան նաև վիրավորներ, նրանց թիվը դեռևս չի հաղորդվում:

Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։