100 հազար դրամների փոխանցման գործընթացը այսօրվանից կմեկնարկի. վարչապետի խոսնակ

100,672 թիվը փոփոխության չի ենթարկվել, սա ԼՂ-ից բռնի տեղահանվածների թիվն է, որոնք ժամանել են Հայաստանի Հանրապետություն:

Այս մասին այսօր Հումանիտար կենտրոնի ճեպազրույցի ժամանակ ասել է վարչապետի խոսնակ Նազելի Բաղդասարյանը:

«Հաշվառվածների թիվը այս պահին շարունակում է մնալ շուրջ 99 %, որը բավականին բարձր ցուցանիշ է: Այժմ Հայաստանի բոլոր համայնքներից փորձում են հավաքագրել հաշվառումների բոլոր տվյալները, քանի որ լինում են դեպքեր երբ նույն մարդը մի քանի անգամ է հաշվառվում»,- ասել է նա:

Խոսնակը նշել է, որ բուռն ընթացքում է 100 հազար դրամների տրամադրման գործընթացը, ԿԲ-ն առավել քան 50 հազար անձի բանկային տվյալներ փոխանցել է Միասնական սոցիալական ծառայություն:

«Գումարի փոխանցման գործընթացը այսօրվանից կմեկնարկի»,- ասել է նա: