Քերոբյանը` Վերին Լարսի իրավիճակի մասին
Վերին Լարսում մեքենաներն անցնում են, թեև ոչ բոլորը։ ՀՀ կառավարության նիստից հետո ճեպազրույցի ժամանակ այս մասին ասել է ՀՀ էկոնոմիկայի նախարար Վահան Քերոբյանը։
Նրա տվյալներով` նախորդ օրվա ընթացքում ալկոհոլային խմիչքով բեռնված մի քանի տասնյակ մեքենա արդեն անցել է։
Ըստ նրա` էկոնոմիկայի նախարարության և կառավարության հիմնական նպատակն է, որ ՀՀ–ում արտադրված ապրանքները լինեն բարձր որակի։
Այդ ուղղությամբ ՀՀ կառավարությունը որոշ ժամանակ առաջ արդեն իսկ սկսել էր գործընթաց, որ ՀՀ–ից արտահանվող խմիչքը լինի բարձր որակի։
«Ես չէի ասի, որ որևէ քաղաքական ենթատեքստ կա։ Որոշ մեքենաներից նմուշառումներ են արվել, և սպասում ենք լաբորատոր փորձաքննության արդյունքներին։ Իսկ մնացած մեքենաներն անցնում են։ Ես չէի ուռճացնի խնդիրը»,– հայտարարել է նախարարը։
